Мектептің жылдық жоспарына сәйкес «Жолда абай бол!» тақырыбында сурет байқауы ұйымдастырылды. Іс-шараның мақсаты – жол қозғалысы қауіпсіздігін сақтау және оқушылардың жол ережелері туралы білімдерін арттыру.
Байқауға 5–11 сынып оқушылары белсенді қатысып, жаяу жүргіншілер қауіпсіздігі, бағдаршам талаптарын орындау және жол белгілерін құрметтеу бағытында шығармашылық жұмыстарын ұсынды. Іс-шара барысында жол қауіпсіздік инспекторлары түсіндірме жұмыстарын жүргізіп, алдын алу шаралары бойынша кеңестер берді.
