Мектепішілік тәрбие жоспары негізінде 16 ақпан күні 4 «А» сыныбында «Қауіпсіз қоғам. Мен сақ болсам – бәрі қауіпсіз!» тақырыбында сынып сағаты өткізілді.
Мақсаты:
– Оқушыларға қауіпсіздік ережелері туралы түсінік беру;
– Өз өмірі мен денсаулығына жауапкершілікпен қарауға тәрбиелеу;
– Сақтық дағдыларын қалыптастыру.
Сабақ барысында «Төтенше жағдайға қалай қоңырау шалуға болады?» тақырыбында қауіпсіздік сабағы ұйымдастырылып, оқушыларға төтенше жағдай туындаған кезде 101, 102, 103, 112 нөмірлеріне дұрыс әрі нақты ақпарат берудің тәртібі түсіндірілді. Оқушылар қауіпсіз мінез-құлық ережелерімен танысып, өмірлік жағдаяттар арқылы өз білімдерін бекітті.
